शरीराच्या चांगल्या पॉश्चरसाठी ताठ बसणं हाच एकमेव उपाय नाही, जाणून घ्या 3 सोप्या टिप्स

 "ताठ बसा! पोक काढून बसू नका!" अशा सूचना आपण सर्वांनी लहानपणापासून अनेकदा ऐकल्या आहेत.

अनेक वर्षांपासून आपल्याला सांगितलं जातं की, शरीराची चांगली स्थिती किंवा पॉश्चर म्हणजे सरळ, ताठ उभं राहणं, खांदे ताणलेले मागे असणं आणि एखाद्या काठी किंवा रॉडप्रमाणे पाठीचा कणा सरळ असणं.

मात्र, प्रत्यक्षात हे खरं नसू शकतं. डॉ. झँड वॅन टुलेकेन डॉक्टर आहेत आणि बीबीसीचे कार्यक्रमदेखील सादर करतात.

त्यांच्या मते, शरीराच्या चांगलं पॉश्चर किंवा स्थितीबद्दल आपल्याला जे माहित आहे असं वाटतं ते खूप जुनं झालं आहे.

किंबहुना, दिवसभर शरीर ताठ किंवा सरळ ठेवण्याचा प्रयत्न केल्यामुळे फायद्यापेक्षा नुकसानच अधिक होऊ शकतं, असं डॉ. झँड यांनी मॉर्निंग लाईव्हला सांगितलं.